मुस्ताङ । प्रसिद्ध धार्मिक तीर्थस्थल मुक्तिनाथमा भक्तजनले चढाएको भेटीबाट ११ करोड ७६ लाख ३३ हजार रुपैयाँभन्दा बढी रकम जम्मा भएको छ।
मुक्तिनाथ विकास समितिका अनुसार गत असार मसान्तसम्म विभिन्न पाँचवटा बैंक खातामा गरी उक्त रकम मौज्दात रहेको छ। समितिका व्यवस्थापक दिनेश भुसालका अनुसार भक्तजनबाट प्राप्त भेटी रकम बैंक खातामा जम्मा गरिएको हो।
कुन बैंकमा कति रकम ?
समितिका अनुसार कृषि विकास बैंकमा ७ करोड १६ लाख ३२ हजार रुपैयाँ मौज्दात रहेको छ। त्यस्तै, सांग्रिला बैंकमा ३ करोड ९२ लाख ९५ हजार रुपैयाँ, प्रभु बैंकमा ५५ लाख ६४ हजार रुपैयाँ, नेपाल बैंकमा ११ लाख २३ हजार रुपैयाँ र माछापुच्छ्रे बैंकमा १७ हजार ५ सय रुपैयाँ रहेको छ।
Originally published on abcnews.com.np.
प्रतिक्रिया दिनुहोस्