काठमाडौं । विश्व फुटबलको सर्वोच्च निकाय फिफाले आफ्नै प्रमुख सञ्चालन अधिकृत केभिन लामोरलाई पदबाट बर्खास्त गरेको छ । फिफा अध्यक्ष जियानी इन्फान्टिनोको निजी लगानीकर्तालाई फिफाका प्रतियोगितामा हिस्सेदारी बिक्री गर्ने योजनाको लामोरले कडा आलोचना गरेका थिए, सोही कारण उनीविरुद्ध कारबाही गरिएको हो ।

फिफाका प्रवक्ताले अगस्ट १७ गते लामोरसँगको काम गर्ने सम्बन्ध अन्त्य भएको पुष्टि गरेका छन् । “फिफामा दुई वर्ष सेवा गरेका केभिनलाई धन्यवाद व्यक्त गर्दै आगामी भविष्यका लागि शुभकामना दिन्छौँ,” प्रवक्ताले बताए ।

पदांकन र विवाद

महासचिव माटियास ग्राफस्ट्रोमले सोमबार साँझ इमेलमार्फत लामोर र फिफाले ‘आपसी सहमतिमा अलग हुने निर्णय गरेको’ जानकारी दिएका हुन् । गएको महिना लामोरले विवादास्पद फिफा फर्वार्ड इन्टरप्राइज (एफएफई) योजनालाई एक व्यक्तिको परियोजना भन्दै आलोचना गरेका थिए । उनले उक्त योजना फिफाको प्रशासनलाई नै छल भएको आरोप लगाएका थिए, “यदि यसको अर्थ मैले आफ्नो जागिर गुमाउनुपर्छ भने पनि त्यस्तै होस्,” लामोरले भनेका थिए, “म त्यो निर्णयलाई बुझ्ने र सम्मान गर्नेछु । कम्तीमा राति म शान्तसँग सुत्न सक्छु ।”

लामोर सन् २०२४ नोभेम्बरमा फिफा प्रवेश गरेका थिए । त्यसअघि उनी यूईएफएका उपमहासचिव थिए । फिफामा उनी इन्फान्टिनोभन्दा दुई तह मुनिको व्यवस्थापनमा कार्यरत थिए ।

इन्फन्टिनोको समर्थन र आलोचना

यसै महिनाको सुरुआतमा मोरक्कोमा भएको बैठकमा इन्फान्टिनोले फिफाका वरिष्ठ कार्यकारीको समर्थन पाएका थिए । तर, सोही बैठकमा लामोरलाई निमन्त्रणा गरिएको थिएन । मोरक्को बैठकमा समर्थन प्राप्त गरे पनि इन्फन्टिनोप्रतिको आलोचना भने घटेको छैन । आउँदो फिफा निर्वाचनमा उनीविरुद्ध नयाँ उमेदवार उठाउने तयारी भइरहेको छ ।

पदांकन

लामोरले फिफाका प्रतियोगितामा निजी लगानी ल्याउनु फिफाको हितमा नहुने बताएका थिए । उनले यो योजना इन्फन्टिनोले व्यक्तिगत रूपमा अघि बढाएको र यसले संस्थाको छवि बिग्र्याउने चेतावनीसमेत दिएका थिए ।

Originally published on abcnews.com.np.