काठमाडौँ । काठमाडौँ महानगरपालिका क्षेत्रका चारवटा निजी विद्यालयले आफ्नो नाम तथा ठेगाना परिवर्तन गर्ने तयारी गरेका छन्। विद्यालय सञ्चालक समितिले नाम र स्थान परिवर्तनका लागि महानगरपालिकामा निवेदन दिएका हुन्।

महानगरपालिकाको शिक्षा विभागले बिहीबार सूचना जारी गर्दै सम्बन्धित विद्यालयको नाम तथा स्थान परिवर्तनबारे कुनै व्यक्ति वा संस्थाको दाबी–विरोध भए ३५ दिनभित्र महानगरपालिकामा निवेदन दिन आग्रह गरेको छ।

महानगरपालिकाका अनुसार वडा नम्बर ६ बौद्धमा रहेको बुद्ध पशुपति इङलिस बोर्डिङ स्कुल, वडा नम्बर ३० मा रहेको साई शिक्षा निकेतन, ज्ञानेश्वरस्थित मानवी एकेडेमी र बौद्धस्थित मञ्जुश्री सामुदायिक विद्यालयले नाम तथा स्थान परिवर्तनका लागि निवेदन दिएका छन्।

शिक्षा विभागले तोकिएको ३५ दिनको अवधिमा दाबी–विरोध नआए विद्यालयहरूको नाम तथा ठेगाना परिवर्तनसम्बन्धी प्रक्रिया अघि बढाइने जनाएको छ।

यससम्बन्धी थप विवरण महानगरपालिकाको वेबसाइटमा उपलब्ध रहेको जनाइएको छ।

Originally published on abcnews.com.np.