काठमाडौं । सरकारले तिब्बत क्षेत्रबाट आएको बाढीले प्रभावित क्षेत्रलाई विपद् संकटग्रस्त क्षेत्र घोषणा गरेको छ । मन्त्रिपरिषद्को बैठकले सो निर्णय लिएको हो ।
सरकारका प्रवक्ता तथा शिक्षामन्त्री सस्मित पोखरेलले बाढीबाट प्रभावित स्थानीय तहलाई संकटग्रस्त क्षेत्र घोषणा गरिएको जानकारी दिए । उनले घाइतेहरूको निःशुल्क उपचार गर्ने र बाढीमा परी मृत्यु भएका व्यक्तिका परिवारलाई कानुनमा उल्लेख भएअनुसार राहत प्रदान गर्ने निर्णय भएको बताए ।
राहतको व्यवस्था
मन्त्री पोखरेलका अनुसार, सरकारले तत्कालै आवश्यक पर्ने राहत सामग्री उपलब्ध गराउन सम्बन्धित निकायलाई निर्देशन दिएको छ । बाढीले क्षति भएका घरहरू र भौतिक संरचनाको विस्तृत विवरण संकलन गर्नसमेत टोली परिचालन गरिएको जानकारी उनले दिए ।
Originally published on abcnews.com.np.
प्रतिक्रिया दिनुहोस्