बारा । जनमत पार्टीका केन्द्रीय सदस्य सुजित पाण्डेको मोटरसाइकल दुर्घटनामा परी मृत्यु भएको छ।
बिहीबार राति बाराको कलैया उपमहानगरपालिका–१४, लक्ष्मीनियाँ क्षेत्रमा भएको मोटरसाइकल दुर्घटनामा ३३ वर्षीय पाण्डेको घटनास्थलमै मृत्यु भएको प्रहरीले जनाएको छ।
दुर्घटनाको कारणबारे प्रहरीले आवश्यक अनुसन्धान गरिरहेको छ।
पाण्डेको असामयिक निधनप्रति जनमत पार्टी बारा जिल्ला कमिटीले गहिरो दुःख व्यक्त गरेको छ। जिल्ला कमिटीले शोकसन्तप्त परिवारजनप्रति हार्दिक समवेदना व्यक्त गर्दै पाण्डेको निधनले पार्टीलाई अपूरणीय क्षति पुगेको जनाएको छ।
Originally published on abcnews.com.np.
प्रतिक्रिया दिनुहोस्