काठमाडौं । नेपालको पछिल्लो परिस्थितिलाई मध्यनजर गर्दै यती एयरलाइन्सले नेपाली यात्रुलाई सहुलियत प्रदान गर्ने उद्देश्यले आफ्ना सम्पूर्ण उडानमा न्यूनतम भाडादर लागू गर्ने भएको छ।

एयरलाइन्सले जारी गरेको सूचनाअनुसार वर्तमान कठिन परिस्थितिमा यात्रुहरूको आवतजावत सहज बनाउने तथा उनीहरूमाथिको आर्थिक भार कम गर्ने उद्देश्यले सबै गन्तव्यका उडानमा न्यूनतम भाडादर कायम गरिएको हो।

बाढी तथा विपद्का कारण सडक यातायात प्रभावित भइरहेका बेला हवाई यातायातको विकल्प प्रयोग गर्नुपर्ने यात्रुलाई यस निर्णयबाट राहत पुग्ने अपेक्षा गरिएको छ।

यती एयरलाइन्सले नेपाली यात्रुका लागि आफ्ना सबै गन्तव्यमा न्यूनतम भाडादर मात्र लागू गरिएको जनाएको छ।

एयरलाइन्सले विपद्को कठिन घडीमा यात्रुको सहज आवतजावतलाई प्राथमिकतामा राख्दै यस्तो सहुलियत घोषणा गरेको हो।

Originally published on abcnews.com.np.