प्राधिकरणले अन्तर्राष्ट्रिय दूरसञ्चार संघ (आईटीयू)बाट विपद् सहयोगस्वरूप प्राप्त गरेका स्याटेलाइट फोन राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई हस्तान्तरण गरेको हो।

उपलब्ध गराइएका फोनमध्ये १० थान रसुवा र १० थान नुवाकोटमा प्रयोग हुने गरी पठाइएको छ। ती स्याटेलाइट फोन आगामी तीन महिनासम्म निःशुल्क प्रयोग गर्न सकिने जनाइएको छ।

टेलिकम नेटवर्कको पहुँच नपुगेका दुर्गम क्षेत्रमा समेत स्याटेलाइटमार्फत फोन तथा एसएमएस सेवा सञ्चालन गर्न सकिने भएकाले विपद्का समयमा यसको प्रयोग प्रभावकारी हुने अपेक्षा गरिएको छ। स्याटेलाइट फोन प्रविधि भने तुलनात्मक रूपमा महँगो मानिन्छ।

बाढीका कारण कतिपय क्षेत्रमा नियमित दूरसञ्चार सेवा अवरुद्ध भएको अवस्थामा स्याटेलाइट फोनको प्रयोगले सञ्चार सम्पर्क कायम राख्न तथा उद्धार र राहत कार्यलाई थप प्रभावकारी बनाउन सहयोग पुग्ने विश्वास गरिएको छ।