काठमाडौं । डडेलधुरामा महाकाली नदीको जलसतह मंगलबार दिउँसो सतर्कता तह पार गरेको छ।

बाढी पूर्वानुमान महाशाखाका अनुसार डडेलधुरास्थित पारिगाउँ जलमापन केन्द्रमा दिउँसो २ः२५ बजे नदीको जलसतह सतर्कता तह पार गरेको हो। नदीको बहाव अहिले पनि बढ्दो क्रममा रहेको महाशाखाले जनाएको छ।

महाकाली नदीको बहाव बढिरहेकाले तल्लो तटीय क्षेत्रमा बसोबास गर्ने नागरिकलाई उच्च सतर्कता अपनाउन महाशाखाले आग्रह गरेको छ।

महाशाखाले नदीको तल्लो तटीय क्षेत्रमा रहेका बासिन्दालाई नदीको बहाव र जलसतहमा हुन सक्ने थप वृद्धिप्रति सचेत रहन तथा आवश्यक सावधानी अपनाउन अनुरोध गरेको छ।

महाशाखाले सामाजिक सञ्जालमार्फत सार्वजनिक गरेको सूचनामा भनिएको छ, “भदौ १६ दिउँसो २ः२५ बजे । डडेलधुरास्थित महाकाली नदी पारिगाउँ जलमापन केन्द्रमा जलसतहले सतर्कता तह पार गरेको र बढ्दो क्रममा रहेकोले नदीको तल्लो तटीय क्षेत्रका बासिन्दाहरू सतर्क रहनुहोला।”

Originally published on abcnews.com.np.