काठमाडौं । प्रधानमन्त्री वालेन्द्र शाह (बालेन)ले पहिचान नखुलेका शव व्यवस्थापनबारे भ्रममा नपर्न आग्रह गर्नुभएको छ । बुधबारको प्रतिनिधि सभा बैठकमा सम्बोधन गर्दै प्रधानमन्त्री शाहले लेदोसहितको बाढीले शवहरू फरक–फरक स्थानमा पुर्‍याएकाले तत्काल पहिचान गर्न नसकिएको बताउनुभयो । उहाँले कानुनी र वैज्ञानिक आधारमा पहिचान हुन नसकेका शवको व्यवस्थापन गरिएको स्पष्ट पार्नुभयो । “बाढीले उहाँहरूको शवलाई फरक–फरक ठाउँमा पुर्‍यायो । हामीले कानुनी र वैज्ञानिक आधार टेकेर तत्काल पहिचान हुन नसकेका शव डीएनए लगायतका आधार सुरक्षित राखी जमिनमुनि व्यवस्थित रूपमा राखेर व्यवस्थापन गरेका हौँ,” उहाँले भन्नुभयो । प्रधानमन्त्री शाहले डीएनए परीक्षणबाट पहिचान खुलेपछि शव सम्बन्धित परिवारलाई जिम्मा लगाइने बताउनुभयो । “डीएनए मिल्नासाथ त्यो शव सम्बन्धित परिवारलाई जिम्मा लगाइने छ ।

Originally published on abcnews.com.np.