काठमाडौं । पछिल्लो २४ घण्टामा देशका विभिन्न स्थानमा भएका सवारी दुर्घटनामा परी ७ जनाको मृत्यु भएको छ भने १०४ जना घाइते भएका छन्।नेपाल प्रहरीले सार्वजनिक गरेको विवरणअनुसार दुर्घटनामा मधेश, कोशी र सुदूरपश्चिम प्रदेशमा दुई–दुई तथा लुम्बिनी प्रदेशमा एक जनाको मृत्यु भएको हो।

दुर्घटनामा घाइते हुनेको संख्या भने सबैभन्दा बढी मधेश प्रदेशमा २६ जना रहेको छ। त्यस्तै कोशी प्रदेशमा २०, काठमाडौं उपत्यकामा २०, सुदूरपश्चिममा १५, लुम्बिनीमा ११, बागमतीमा ५, गण्डकीमा ४ र कर्णाली प्रदेशमा ३ जना घाइते भएका छन्।

प्रदेशगत विवरणअनुसार पछिल्लो २४ घण्टामा भएका दुर्घटनामा मृत्यु र घाइतेको संख्या यसप्रकार छ:

नेपालमा सडक दुर्घटना पछिल्लो समय पनि गम्भीर सुरक्षा चुनौतीका रूपमा रहँदै आएको छ। तीव्र गति, लापरबाहीपूर्ण ओभरटेक, सडकको अवस्था र सवारी साधन सञ्चालनमा हुने विभिन्न कमजोरी दुर्घटनाका प्रमुख कारणमध्ये पर्ने प्रहरीले जनाएको छ।

पछिल्लो २४ घण्टामा मात्रै १०४ जना घाइते हुनु र सात जनाले ज्यान गुमाउनु सडक सुरक्षाका लागि थप गम्भीर चिन्ताको विषय बनेको छ। दुर्घटना न्यूनीकरणका लागि चालक, यात्रु, ट्राफिक प्रहरी तथा सम्बन्धित निकाय सबैले सडक सुरक्षा मापदण्डको कडाइका साथ पालना गर्नुपर्ने देखिन्छ।

Originally published on abcnews.com.np.