काठमाडौं । पवन सराफको अर्धशतकप्रेरित प्रदर्शनमा नेपाल ‘ए’ ले अभ्यास शृंखलाको तेस्रो तथा अन्तिम खेलमा न्युजिल्यान्ड ‘ए’ सामु २१२ रनको लक्ष्य प्रस्तुत गरेको छ।

टस जितेर पहिले ब्याटिङ गरेको नेपाल ‘ए’ ले निर्धारित ५० ओभरमा सबै विकेट गुमाउँदै २११ रन बनाएको हो।

नेपालका लागि पवन सराफले सर्वाधिक ६१ रन बनाए। उनले ९२ बलमा ६ चौका प्रहार गरे। यस्तै, लोकेश बमले ४७, कप्तान अनिलकुमार साहले २४, मयन यादवले २० तथा विपिन खत्रीले १२ रनको योगदान दिए।

न्युजिल्यान्ड ‘ए’ का म्याट फिशरले सर्वाधिक चार विकेट लिए। क्रिस्टियन क्लार्क र आदित्य अशोकले समान दुई तथा जेक गिब्सन र मोहम्मद अब्बासले एक–एक विकेट लिए।

अब न्युजिल्यान्ड ‘ए’ ले २१२ रनको लक्ष्य पछ्याउनेछ।

नेपाल ‘ए’ शृंखलाको अन्तिम खेलमा जित निकाल्दै सुखद अन्त्य गर्न चाहन्छ। यसअघि नेपालले तास्मानिया र साउथ अस्ट्रेलियासँग पराजय व्यहोरेको थियो।

Originally published on abcnews.com.np.