बेइजिङ, १६ भाद्र। इथियोपियाका प्रधानमन्त्री अबि अहमद अलि औपचारिक भ्रमणका लागि शनिबार चीन आउनुहुने भएको छ ।
प्रधानमन्त्री अलिले शनिबारदेखि सेप्टेम्बर ४ सम्म चीनको भ्रमणमा आउन लाग्नुभएको समाचारमा जनाइएको छ ।
सोही भ्रमणकै क्रममा चीनको राजधानी बेइजिङमा आयोजना हुने चीन—अफ्रिका सहयोग मञ्च, (एफओसिएसी) मा पनि प्रधानमन्त्री अलि सहभागी हुनुहुने पनि उक्त समाचारमा उल्लेख छ ।
पूर्वी अफ्रिकी देश इथियोपियाबाट चीनको औपचारिक भ्रमण गर्ने उहाँ नै पहिलो प्रधानमन्त्री हुनुहुने चिनियाँ सञ्चारमाध्यमहरुले जनाएका छन् ।
उहाँले गत अप्रिलमा प्रधानमन्त्रीका रुपमा सपथ लिनुभएको थियो । उहाँ त्यसअघि इथियोपियाको वर्तमान सत्तारुढ दलको नेताका रुपमा निर्वाचित हुनुभएको थियो ।
।
उहाँको यस भ्रमणपछि चीन र इथियोपियाको सम्बन्ध सुधार र सुदृढिकरणमा सहयोग पुग्ने अधिकारीहरुले जनाएका छन् ।
प्रतिक्रिया दिनुहोस्