काठमाडौं,१६ असोज । नेपाली काग्रेसका नेता प्रकाशमान सिंहले सरकारले जनताको पक्षमा एउटा पनि राम्रो काम नगरेको आरोप लगाउनुभएको छ ।

नेपाली काग्रेस १० नंवर ईकाइद्धारा मंगलबार काठमाडौंमा आयोजित चियापान कार्यक्रममा नेता सिंहले निर्वाचनका बेला जनतालाई दिएको आश्वासन नेकपा नेतृत्वको सरकारले पुरा गर्न नसकेको आरोप समेत लगाउनुभयो ।

उहाले अहिले दुई तिहाईको सरकार हुदा पनि कुनै अपेक्षा गरेको काम हुन नसकेको धारणा राख्नुभयो । प्रधानमन्त्री केपी शर्मा ओलीले सुशासन र समृद्धिका कुरा बढी गरेपनि काम भने नगरेको सिंहको तर्क छ ।

अहिले मुलुकमा भईरहेको हत्या हिंसाको घटनाले सशस्त्र द्धन्दको बेला भएको हत्याहिंसाको झल्को दिएको उहाको भनाई छ । उहाले सरकारको विरोध नेकपाकै नेताहरुबाट हुनु सकारात्मक संकेत नभएको उल्लेख गर्नुभयो ।

त्यस्तै काग्रेसका प्रदेशसभा सांसद दिपेन्द्र श्रेष्ठले मुुलुक सघियतामा गईसकेपछि गठन भएको प्रदेश सरकारलाई पनि केन्द्रबाट हस्तक्षेप भएको आरोप लगाउनुभयो ।

कार्यक्रममा सहभागीहरुले मुलुकको बिकास र समृद्धिका लागी काग्रेस एकजुट भएर अघि बढ्न सुझाव दिएका थिए ।