चितवन , २४ कार्तिक । पूर्वीपश्चिम् राजमार्ग अन्तर्गत चितवनको राप्ती नगरपालिका ९ स्थित हर्दिमा शनिबार बिहान गाडीले मोटरसाइकललाई ठक्कर दिँदा मोटरसाइकल चालकको मृत्यु भएको छ ।
बिहान करिब साँढे ३ बजे नम्बर नखुलेको सवारीसाधनले ना. ४०. प. ७०२४ नम्बरको मोटरसाइकललाई ठक्कर दिँदा मोटरसाइकल चालक २९ वर्षीय रमेशबाबु त्रिपाठीको मृत्यु भएको चितवन प्रहरीले जानकारी दिएको छ ।
यसैबीच , घटनापछि मृतकका आफन्त एवं स्थानीय बासिन्दाले उचित क्षतिपूर्तिको माग र सवारी चालकलाई कार्वाहीको माग राख्दै स्थानीयले अबरुद्ध गरेको सडक डेढघण्टा पछि खुलेको छ ।
बिहान साँढे ८ बजेदेखि अबरुद्ध भएको सडक बन्द बिहान १० बजेपछि खुुुुलेको प्रहरीले बताएको छ । राजमार्ग खुलाउने विषयमा पीडित पक्ष एवं आन्दोलित स्थानीय बासिन्दा सँग गाडी तत्कालै खोजी गर्ने उचित क्षतिपूर्ती समेत तत्कालै उपलब्ध गराउने सहमति पछि सडक खुलेको जिल्ला प्रहरी कार्यालय चितवनले जनाएको छ।
प्रतिक्रिया दिनुहोस्