काठमाडौ, २ फागुन । नेकपा अध्यक्ष केपी ओली दोस्रो पटक प्रधानमन्त्री बनेको भोली अर्थात फागुन ३ गते एक वर्ष पूरा हुन्छ । ओली नेतृत्वको यो सरकार यसअघिका सरकारभन्दा भिन्न हो । किनभने, यसले अहिलेसम्मकै अधिक जनसमर्थन मात्र प्राप्त गरेको छैन, कमजोर प्रतिपक्ष पनि पाएको छ ।

आमचुनाव ०७४ मा तत्कालीन नेकपा एमाले र नेकपा (माओवादी केन्द्र) बीचको चुनावी गठबन्धनले अत्यधिक मत पाएको थियो । ३ जेठ ०७५ मा एमाले–माओवादीको चुनावी गठबन्धन पार्टी एकतामा बदलिएपछि ओली असाधारण बहुमतका प्रधानमन्त्री भए ।
त्यसमाथि सरकारमा राष्ट्रिय जनता पार्टी र संघीय समाजवादी फोरमको समर्थनले उनी नेतृत्वको सरकारलाई दुई तिहाइ बहुमतमा पुगेको छ ।

त्यसैले एक वर्षअघि दुई तिहाइ बहुमतको सरकार गठनसँगै देशका लागि एउटा सुनौलो सम्भावना बन्ने ठानिएको छ । सरकारको वर्ष दिने कार्यशैली र प्रस्तुतिका हेर्द देशले लामो कालखण्डपछि पाएको त्यो अवसरलाई सहिरुपमा सदुपयोग गर्दै लगेको देखिन्छ ।

लामो समय अस्थिर शासन झेलेका नेपालीले स्थिर सरकार भए आर्थिक समृद्धि र सुशासनमा अघिबढेको छ भने । दुई तिहाइको सरकारले ‘समृद्ध नेपाल र सुखी नेपाली’ को नारा दिएपछि त्यसले नागरिकलाई सुशासन र समृद्धिप्रति अग्रसर रहेको छ । त्यसैले विगतका सरकारभन्दा धेरै अपेक्षा आम नागरिकले ओली सरकारबाट गरेका छन् ।
बिहानीले दिनको संकेत गरेजस्तै आफ्नो पहिलो वर्षमै सरकारले देशलाई प्रगतिको बाटोमा र्डोयाउने प्रारम्भिक संकेत दिएको छ ।