काठमाण्डौं, २७ असोज । २०७२ असोज ३ गते संविधान जारी भएपछि संविधानसभाबाट रुपान्तरित संसद्को समय सकिएको छ ।
आज व्यवस्थापिका संसदको बैठक बसेपछि औपचारिक रुपमा यो संसदको कार्यकाल पूरा हुनेछ । आजको संसद बैठक दिउँसो ३ बजे बस्दैछ । समानुपातिकको मनोनयन दर्ता आइतबार हुँदैछ । संवैधानिक व्यवस्था अनुसार संसदको कार्यकाल शनिबार सकिँदैछ । भोली शनिवार भएकाले आज बस्ने संसद बैठक नै अन्तिम बैठक हुनेछ । संवैधानिक व्यवस्था अनुसार चार वर्षे कार्यकाल माघ ७ गतेसम्म भएपनि संविधानको संक्रमणकालीन व्यवस्था अनुसार शनिबारदेखि कार्यकाल समाप्त हुन लागेको हो । संक्रमणकालिन व्यवस्थाको धारा २९६ १ को प्रतिबन्धात्मक बाक्यांशले प्रतिनिधिसभाको मनोनयनपत्र दाखिला गरेको अघिल्लो दिन नै कार्यकाल समाप्त हुने व्यवस्था छ।
प्रतिक्रिया दिनुहोस्