काठमाण्डौं, १९ काक्तिक । अमेरिकाको टेक्सस राज्यस्थित सदरल्याण्ड स्प्रिङ्ग्स नगरको एउटा बाप्टिस्ट गिर्जाघरमा गोली चल्दा २६ जना मारिएका छन् ।
प्रार्थना चलिरह“दा एकजना बन्दुकधारीले गोली चलाएको अधिकारीले बताएका छन् । घटनामा करिब २५ जना घाइते भएका छन् । सदरल्याण्ड स्प्रिङ्ग्सका एकजना अधिकारीले बन्दुकधारी पनि मारिएको स्थानीय सञ्चारमाध्यमलाई बताए । कसरी मारिए भन्ने कुरा स्पष्ट भइसकेको छैन ।
मृत्यु हुनेमा गिर्जाघरका ’पास्टर’की छोरी पनि रहेको बताइएको छ । सान एन्टोनियो शहरदेखि करिब ५० किलोमिटर दक्षिण पूर्वमा रहेको सानो नगर सदरल्याण्ड स्प्रिङ्ग्समा घटनापछि प्रहरीको बाक्लो उपस्थिति छ । गत अक्टोबरमा लास भेगसमा ५८ जनाको ज्यान जाने गरी गराइएको गोलीकाण्डपछि पछिल्लो घटना भएको छ ।
प्रतिक्रिया दिनुहोस्