मलेसिया १८ कात्तिक । मलेसियाको तपाह भन्ने ठाउँमा बस दुर्घटना हुँदा नेपालीसहित १४ जना कामदार घाइते भएका छन् । सामेबार बिहान भएको दुर्घटनामा इण्डोनेसियन र नेपाली गरी १४ जना कामदार घाइते भएको त्यहाँको स्थानीय पत्रिका ‘द स्टार’ले जनाएको छ ।

बस नर्थ–साउथ एक्सप्रेस वे नजिकै तपाह भन्ने ठाउँमा दुर्घटना भएको हो । पेनाङबाट आएको बस गेन्टिङ हाइल्याण्डतर्फ जाने क्रममा डिभाइडरसँग ठोक्किएर दुर्घटना भएको प्रहरीले जनाकारी दिए ।

प्रहरीका अनुसार उनीहरुले हिल रिसोर्टमा छुट्टि मनाउन भनेर बस बुक थिए । १९ देखि ४२ वर्ष उमेर समूहका कामदारहरु बसमा सवार रहेको थियो । बसमा त्यहाँका स्थानीय र विदेशी इण्डोनेसिया र नेपाल गरी ३० जना यात्रुहरु थिए तर तिनीहरुमध्ये १४ जनालाई सामान्य चोटपटक लागेको र उपचारको लागि तपाह अस्पतालमा लगिएको छ’, उहाँले भन्नुभयो , ‘हामी सडक यातायात ऐन १९८७ अन्तर्गत घटनाको अनुसन्धान गर्दैछौँ ।’