चितवन, २५ कार्तिक ।
नेकपा माओवादी केन्द्रका अध्यक्ष पुष्पकमल दाहाल प्रचण्डले सरकार नै निर्वाचन बिथोल्न लागिपरेको आरोप लगाउनुभएको छ ।
चितवनको भरतपुरमा भएको पेशागत कर्मचारी संगठनको कार्यक्रममा बोल्दै अध्यक्ष प्रचण्डले उम्मेदवारहरुविरुद्ध बम विष्फोट भइरहनुले यसमा सरकारकै संलग्नता रहेको बताउनुभयो । चितवन क्षेत्र नम्बर ३ का प्रतिनिधिसभा सदस्य उम्मेदवार समेत रहनु भएका प्रचण्डले चुनाव प्रचारमा खटिएका माओवादी नेताहरुलाई लक्षित गरी बम विष्फोट गराउने र सवारी साधनमै आक्रमण गर्ने काम सरकारकै संरक्षणमै भइरहेको दावी गर्नुभयो । उहांले सरकारका मन्त्री नै हतियारसहित पक्राउ परे पनि छाड्न निर्देशन दिनु र वक्तव्यवाजी गर्नु नै चुनाव विरोधी गतिविधिमा भएको बताउनुभयो । उहांले चुनावी गतिविधिले वाम गठवन्धनको दुई तिहाई बहुमत आउने निश्चित भएकाले विरोधीहरु आतंकित बनेको बताउभयो । उहांले कांग्रेसलाई चुनावी माहोल नबिगारी लोकतान्त्रिक पद्धतिमा समाहित हुन र आफ्नो हैसियत बुझ्न आग्रह् समेत गर्नुभयो । उहांले शनिबार चितवन क्षेत्र नम्बर ३ का विभिन्न स्थानमा सभा गर्नुका साथै घरदैलो कार्यक्रमसमेत गर्नुभएको थियो ।