काठमाण्डौं, २६ कार्तिक । इराकको किरकुक प्रान्तमा ४ सय जनाको सामुहिक चिहान फेला परेको छ ।
इराकी सेनाले हावाइजी नजिकको एअरवेसमा चिहान फेला पारेको हो । गत महिना अघिसम्म यस क्षेत्र इस्लामिक अतिवादी समुह आईएसको नियन्त्रणमा थियो । चिहानमा आईएसले हत्या गर्नुअघि लगाइदिने गरेका पोशाक लगाएका शव समेत फेला परेका छन् । किरकुक प्रान्तका गभर्नर रकानले यस क्षेत्रलाई आईएसले हत्या गर्ने मैदानको रुपमा परिणत गराएको बताएका छन् । इराकी सेनाले आईएसको नियन्त्रणमा रहेका विभिन्न ७२ वटा सामुहिक चिहानबाट करिब १५ हजार शव फेला पारिसकेको छ ।
प्रतिक्रिया दिनुहोस्