विकास पौडेल, चितवन ।
आगामी मंसिर १० र २१ गते हुने प्रतिनिधि तथा प्रदेशसभा निर्वाचनका लागि प्रमुख दलका शीर्ष नेताहरु गाउगाउमा भोट माग्न व्यस्त छन्। भोट माग्ने क्रममा उनीहरुले जनतालाई विभिन्न योजनाहरु पनि बाडिरहेका छन् । योजना र सपना बाड्ने क्रममा नेकपा माओवादी केन्द्रका अध्यक्ष प्रचण्डले पनि आफूले राजनीतिक परिवर्तनका लागि दश वर्ष, शान्ति प्रक्रियाका लागि दश लगानी गरेको र आफ्नो जीवनको अर्को दश वर्ष देशको आर्थिक समृद्धिमा समर्पित गर्न चाहेको बताएका छन् ।
नेकपा माओवादी केन्द्रका अध्यक्ष पुष्पकमल दाहाल प्रचण्डले आफूले दश वर्ष राजनीतिक परिवर्तन, दश वर्ष शान्ति प्रक्रियामा बिताएको र आगामी दश वर्ष देशको आर्थिक समृद्धिमा समर्पित गर्न चाहेको बताएका छन् । चितवनमा भएको चुनावी घरदैलो कार्यक्रममा सहभागी हुने क्रममा कार्यक्रमहरुलाई सम्बोधन गर्दै आध्यक्ष प्रचण्डले दश वर्ष राजनीतिक परिवर्तनका लागि सशस्त्र संघर्षमा, दश वर्ष शान्ति प्रक्रियामा र आफ्नो जीवनको आगामी दश वर्ष देशको आर्थिक समृद्धिमा समर्पित गर्न चाहेको बताएका हुन् ।
चितवन क्षेत्र नम्बर ३ मा प्रतिनिधिसभा सदस्यका उम्मेदवार प्रचण्डले विगत केही दिनयता घरदैलो अभियान चलाइरहेका छन् ।
घर दैलो अभियानका क्रममा अध्यक्ष प्रचण्डले दश वर्षे सशस्त्र संघर्ष तेस्रो जनआन्दोलनको महत्वपूर्ण भूमिका रहेको भन्दै देशलाई शान्तिपूर्ण बाटोमा ल्याउन भएको शान्ति सम्झौतामा हस्ताक्षर गर्नेमध्ये आफू मात्र जिवित रहेको भन्दै नेपाली कांग्रेसका नेता, कार्यकर्ता र समर्थकले आफूलाई मत दिनुको विकल्प नरहेको बताए ।
विगत एक सातादेखि चितवन क्षेत्र नम्बर ३ का जनताको घरघरमा पुगेका प्रचण्डले आफू हुर्केको ठाउ भएकाले चितवनको विकासका लागि आफू चितवनबाट उम्मेदवार बनेको बताए । अध्यक्ष प्रचण्डले आगामी एक दशकभित्र विश्वले चिन्ने गरी देशको विकास गर्ने बताए ।
चितवनमा आफ्नो प्रतिस्पर्धी नेपाली का“ग्रेस मात्र रहेको भन्दै प्रचण्डले का“ग्रेसले उम्मेदवारी नै नदिएकाले आफ्नो प्रतिस्पर्धी नै नभएको दावी गरे ।
पहिलो संविधानसभा निर्वाचनमा रोल्पा र काठमाडौ क्षेत्र नम्बर १० बाट निर्वाचित प्रचण्ड दोस्रो संविधानसभामा सिरहा–५ बाट निर्वाचित भएका हुन् । नया संविधान जारी भएपछि हुन गइरहेको प्रतिनिधितिसभा निर्वाचनमा चितवन क्षेत्र नम्बर ३ बाट उम्मेदवार बनेका हुन् । बाम गठबन्धनबाट उम्मेदवारी दिएका प्रचण्डविरुद्ध लोकतान्त्रिक गठबन्धनका तर्फबाट राष्ट्रिय प्रजातन्त्र पार्टी प्रजातान्त्रिकका विक्रम पाण्डेले उम्मेदवारी दिएका हुन् । पाण्डे निर्माण व्यवसायी हुन् । राप्रपा विभाजित बनेपछि गठन भएको पशुपति सम्शेर राणाको राप्रपा प्रजातन्त्रिक लोकतान्त्रिक गठबन्धनमा समावेश भएपछि पाण्डेले उम्मेदवारी दिएका हुन् । लोकतान्त्रिक गठबन्धनको नेतृत्व गरिरहेको नेपाली काग्रेसले चितवन क्षेत्र नम्बर ३ मा उम्मेदवारी दिएको छैन ।