काठमाडौं, २७ मंसिर ।  बेलायतको आम निर्वाचनमा सत्ताधारी कन्जर्भेटिभ पार्टीले शानदार जित हासिल गरेको छ । पार्टीले स्पष्ट बहुमत हासिल गरेको छ । ६५० सिटको संसदमा पार्टीले बहुमतका लागि आवश्यक ३२६ सिटको आँकडा पार गरेको छ । रुझान अनुसार उसको खातामा ३६३ सिट आउन सक्छ ।

विपक्षी लेबर पार्टीले आफ्ना थुप्रै पारम्परिक सिट गुमाएको छ । उसको सिट संख्या २ सय भन्दा कममा झर्न सक्नेछ । बेलायतका प्रधानमन्त्री बोरिस जनसनले भनेका छन् कि उनलाई अब एक नयाँ जनादेश मिलेको छ जसबाट उनी बेलायतलाई यूरोपीय संघबाट अलग गर्ने ब्रेग्जिट डीललाई लागू गर्न सक्नेछन् र बेलायतलाई एकजुट गर्न सक्नेछन् ।

लेबर पार्टीका नेता जेरेमी कार्बिनले नतिजाबारे दुःख व्यक्त गर्दै यसलाई ‘लेबर पार्टीका लागि एक ठूलो निराशाजनक रात’ भनेका छन् ।पछिल्लो पाँच वर्षमा बेलायतमा यो तेस्रो आम निर्वाचन हो ।