काठमाण्डौं, ३ मंसिर । जिम्बाब्वेमा आज दुईवटा महत्त्वपूर्ण बैठकहरु बस्दैछ ।
बैठकमा राष्ट्रपति रोबर्ट मुगाबेको भविष्यबारे निर्णय आउने अनुमान गरिएको छ । बैठकमा मुगाबेले गत बुधवार सत्ता हत्याएका सेनाका वरिष्ठ अधिकारीहरुसंग वार्ता हुँदैछ । वार्तामा मुगाबेलाई राजीनामा दिन आह्वान गर्ने अपेक्षा गरिएको छ । सत्तारुढ जानुपीएफका नेताहरुले मुगाबेलाई पार्टी प्रमुखबाट हटाउने विषयमा पनि छलफल गर्नेछन् । तर जिम्बाब्वेबाट प्राप्त खबरहरुका अनुसार आफ्नै घरमा नजरबन्दमा राखिएका मुगाबेले राजीनामा दिन अस्वीकार गर्ने अपेक्षा गरिएको छ । सेनाले सत्ता कब्जा गरेकोमा हजारौं संख्यामा प्रदर्शनकारीले खुसियाली मनाएका छन् । प्रदर्शनकारीले मुगाबेको तस्वीर च्यात्नुका साथै उनको घरसम्म र्याली निकालेका थिए।
प्रतिक्रिया दिनुहोस्