काठमाण्डौं, ६ मंसिर । जिम्बाबेका राष्ट्रपति रोबर्ट मुगावेले राजीनामा दिएका छन्।
३७ वर्षदेखि सत्तामा रहनुभएका मुगावेले मंगलबार राजीनामा दिएका हुन । उनको राजीनामासंगै देशका सडक तथा संसदमा खुशीयाली मनाइएको बिबिसीले जनाएको छ । मुगावेको राजीनामा सम्बन्धी पत्र संसदमा सभामुखले पढेर सुनाएका थिए । मुगावेले आफूले स्वतन्त्र रुपमा तथा राजी खुशीले राजीनामा दिएको पत्रमा उल्लेख गएका छन् । यस्तै शक्तिको सहज हस्तान्तरणका लागि पनि आफू तयार रहेको उनले राजीनामा पत्रमा उल्लेख गरेका छन् । सन् १९८० देखि सत्तामा रहँदै आउनुभएका मुगावेको ठाउँमा बअ पूर्व उपराष्ट्रपति एम्मर्सन मन्नगागावाले सत्ता सम्हाल्ने सत्तारुढ जानु–पिएफ पार्टीले जनाएको छ ।
प्रतिक्रिया दिनुहोस्