बुटवल, ४ फागुन ।

प्रदेश स्थापनाको दोस्रो वर्षका अवसरमा प्रदेश नम्बर ५ का प्रदेश प्रमुख धर्मनाथ यादवले भब्य रात्री भोज दिए पनि रात्रीभोजका लागि आयोजना गरिएको औपचारीक कार्यक्रममा सहिद सम्झेर मौनधारण नगरिनु र राष्ट्रिय गान समेत नबजाउनुलाई अर्थपुर्ण तरिकाले बुझिएको छ ।
सामान्यतया राष्ट्रपति,संबैधानीक निकायका प्रमुखहरु वा सरकारी उच्चओहोदाका पदाधिकारीबाट आयोना गरिने कार्यक्रमहरुमा राष्ट्रिय गान बजाएर कार्यक्रमको प्रारम्भ गरिने गरिएपनि शनिबार बुटवलमा आयोजना भएको रात्रीभोज समारोहमा राष्ट्रिय गान पनि बजेन, सहिद प्रति श्रद्धान्जली पनि प्रकट भएन ।
सांझ ६ : ३० बजेका लागि आमन्त्रण गरिएको रात्रीभोजमा मुख्यमन्त्री शंकर पोखरेल कार्यक्रमस्थल पुगे लगत्तै कार्यक्रम सुरुभयो । सिधै पुस्तक बिमोजनबाट सुरु भएको कार्यक्रममा प्रदेश प्रमुख यादवले सगत सहित शुभकामना मन्तब्य दिए र रात्री भोज सुरुभयो ।
प्रदेश प्रमुखको कार्यक्रममा सहिद नसम्झनु र राष्ट्र नसम्झनु कमजोरी भएको बताउंछन् अनलाईन खबरका बुटवल सम्बाददाता कपिल ज्ञवाली ।
पुस्तक बिमोचन सहित औपचारीक कार्यक्रम गरेपछि राष्ट्रगान नबजेकोमा कमजोरी भएको नेपाल कम्युनिष्टपार्टी नेकपाका प्रदेश सभा सदस्य भोप्रसाद श्रेष्ठ बताउंछन् । रात्रीकालीन भोजमा श्रद्धान्जली र राष्ट्रगान नबजाउने प्रचलन रहेपनि औपचारीकता दिईसकेपछि नबजाउनु रामैो नभएको उनको भनाई छ ।
प्रदेशसभामा नेपाली कांग्रेसका सभासद बैजनाथ कलवार पनि राष्ट्रगान नबजेकोमा कार्यक्रम नै खल्लो लागेको बताउंछन् । जसकाकारणले प्रदेश पायौं, उनै सहिद नसम्झनु गलत भएको कलवारको भनाई छ ।
प्रदेशप्रमुखको कार्यालयले आयोजना गरेको औपचारीक कार्यक्रममा सहिद नसम्झनु र राष्ट्रगान नबज्नुमा कार्यालयको कमजोरी हो वा अरु केहि नियत हो । प्रदेश सरकारले खोजीनीती गर्न आवश्यक छ ।