काठमाडौं, ५ फागुन । चीनमा कोरोना भाइरस संक्रमणका कारण सोमबारसम्म १७ सय ७० जनाको मृत्यु भएको छ ।चीनमा हालसम्म कोरोना भाइरस संक्रमितको संख्या ७० हजार ५ सय ४८ पुगेको त्यहाँका सञ्चार माध्यमहरुले जनाएको छ । चीनसमेत विश्वभर गरी कोरोना भाइरस संक्रमणका कारण सोमबारसम्म मृत्यु हुनेको संख्या १ हजार ७ सय ७५ पुगेको छ । सोमबारमात्र १ सय ५ जनाको मृत्यु भएको छ भने २ हजार ४८ जनामा संक्रमण देखिएको छ ।

हुवेईको स्वास्थ्य आयोगका अनुसार हुवेईमा मात्र मृत्यु हुनेको संख्या १ हजार ६ सय ९६ जना र संक्रमितको संख्या ५८ हजार १ सय ८२२ जना रहेका छन् । कोरोना भाइरसको उद्गमस्थल मानिएको हुवेई प्रान्तमा सोमबार एक सय जनाको मृत्यु भएको छ भने १ हजार ९ सय ३३ जनामा संक्रमण देखिएको छ । संक्रमितमध्ये १ हजार ६ सय ९० जना हुवेई प्रान्तको राजधानी वुहानमा नै रहेका छन् ।

कोरोना भाइरसको संक्रमणविरुद्ध चिनियाँ कम्युनिस्ट पार्टीका हुबेई प्रमुख यिङ योङले कडा कदम चालेका छन् । पार्टीको प्रान्तीय प्रमुख भएपछि उहांले पहिलो कदमस्वरुप कर्मचारीको धेरै तत्कालै काम गर्न सक्ने संयन्त्र निर्माण गनुृभएको छ ।