काठमाडौं,१० मंसिर ।  प्रदेश नम्बर ६ अन्र्तगतको हुम्ला जिल्लामा सात मतदान केन्द्रमा मतदान सुरु हुन सकेको छैन । जिल्लामा ५२ मतदान केन्द्र रहेको हुम्लाको ७ मतदान केन्द्रमा भने मतदान सुरु हुन नसकेको प्रमुख जिल्ला अधिकारी लक्ष्मीप्रसाद बास्कोटाले जानकारी दिए । अदानचुली गाउपालिका १ स्थित जनकल्याण आधारभूत विद्यालय केन्द्र र नाम्खा गाउँपालिका ४ स्थिति हिमालय आधारभूत विद्यालय केन्द्रमा मतदान सुरु हुन सकेको छैन । जनकल्याण आधारभूत विद्यालय केन्द्रमा राजनीतिक दलका प्रतिनिधि नआउँदा मतदान सुरू नभएको निर्वाचन अधिकृत कुमानसिंह धामीले जानकारी दिए ।

यहा ६ सय ७ जना मतदाता छन । दलका प्रतिनिधिहरू नआए पनि मतदाता भने मतदान स्थलमा मतदानका लागि तयारी अवस्थामा रहेका छन् । यता हिमालय आधारभूत विद्यालयमा पनि मतदान सुरु नभएको प्रहरी नायव निरीक्षक कमलप्रसाद नेपालले बताए । उच्च हिमाली क्षेत्रमा पर्ने यो ठाउँमा १ सय ६ जना मतदाता छन ।