असार २१ काठमाडौं । स्थानीय तहको निर्वाचनका बेला पहिलो चरण र दोस्रो चरणमा एबीसी न्युजले मात्र एक्जिट पोल सार्वजनिक गरेको थियो ।
पहिलो चरण र दोस्रो चरणका दुवै निर्वाचन नतिजामा एबीसी एक्जिट पोल र घोषित मत परिणामा ९९ प्रतिशत ठ्याक्कै मिलेको छ । दोस्रो चरणको निर्वाचन मतदानको दिन असार १४ गते सांझ ५ बजै एबीसी टेलिभिजनले एबीसी मिडिया ग्रुपका अध्यक्ष शुभशंकर कंडेलले राजनीतिक शास्त्री तथा विश्लेषकहरुका बीचमा एक्जिट पोल सार्वजनिक गरेका थिए । एक्जिट पोल बहसमा कंडेलसंगै राजनीतिशास्त्र डा. लोकराज बराल, पूर्वमन्त्री रमेश नाथ पाण्डे, नेपाल पत्रकार महासंघका पूर्व अध्यक्ष शिव गाउंले र एबीसी न्युजका समाचार निर्देशक डा. सुरेश आचार्य थिए ।

एबीसी एक्जिट पोलमा नेकपा एमालेले कम्तीमा १४३ स्थानीय तहमा प्रमुख जितेर पहिलो पार्टी बन्ने प्रक्षेपण गरेको थियो । दोस्रोमा सत्तारुढ नेपाली कांग्रेसले १०७ तहमा जित्ने तथा तेस्रोमा माओवादी केन्द्रले ३५ तहमा प्रमुख जित्ने प्रक्षेपण गरेको थियो । प्रक्षेपणमा २२ तहमा चर्को प्रतिस्पर्धा रहेको भन्दै ती स्थानमा एमाले र नेकाले नै सिट आफ्नो पक्षमा पार्ने दावी गरिएको थियो । हालसम्म घोषित ३०५ तहको परिणाममा एमालेले १३४ तहमा जितेको छ भने सबै परिणामा घोषणा हुंदा १५० सिटभन्दा माथि पुग्ने देखिएको छ । त्यैगरी नेकांले ११५ जितिसकेको छ भने थप ५ सम्म बढाउन सक्ने देखिन्छ । माओवादी केन्द्रले एबीसी एक्जिट पोलको प्रक्षेपणभन्दा १ सिट बढी ३६ तहमा जित हात पारेको छ ।
एक्जिट पोलमा मधेश केद्रित दल संघीय समाजवादी फोरम र लोकतान्त्रिक फोरमल समान ६ स्थान जित्ने प्रक्षेपण जस्ताकोतस्तै मिलेको छ ।
प्रक्षेपणमा राप्रपाले २ स्थान जित्ने भनिएकोमा ४ स्थान हात पारेको छ ।
दोस्रो चरणको निर्वाचन सुरु हुनेबेलाबाटै जनमत तयारीमा रहेकाले राजपाले ८ स्थानसम्म जित्ने प्रक्षेपण थियो । तर अन्तिममा राजपाले चुनवा वहिस्कार गर्यो भने स्वतन्त्र उमेदबार उठाउंदा उसले जित्ने सिट नेका र एमालेले खास्न पुगे ।
एबीसी न्युज देशभरको राजनीतिक पक्षेपण र जनताको नाडी छाम्न सफल भएको मत परिणामले देखाएको छ ।