बिश्वब्यापी माहामारीका कारण लकडाउनले मुलुक ठप्प भएपनि नेपाली गौरवगाथा बोकेको बुटवलको जितगढीमा सिङ्गो देशको शान बनेर ठडिएका कर्णेल उजिरसिंह थापालाई बुटवल उपमहानगरले सम्झन भ्याएको छ । सन् १८७२ मा अंग्रेज सेनालाई पराजित गर्न सफल कर्णेल उजिर सिंहको प्रतिमामा माल्यार्पण गर्दै यस वर्षको बिजय उत्सव दिवस मनाईएको छ ।
आज बैशाख ७ । सन १८७२ मा नेपाली सेनाका कर्णेल उजिर सिंह थापाको नेतृत्वमा रहेको फौजले अंग्रेज तर्फको इस्ट ईण्डीया कम्पनि फैजलाई पराजित गर्दै आजकै दिन गोरखपुर सम्म धपाएका थिए । जनरल उडको नेतृत्वमा रहेको अत्याधुनिक हतियारले सुसज्जीत फैजलाई रण कौशलता प्रदर्शन गर्दै उजीर सिंहकै नेतृत्वमा नेपाली फैजले बिजय हासिल गर्दै बुटवल स्थित जितगढी किल्लामा बिजयको झण्डा फहराएका थिए । बिगत २ वर्ष देखि बुटवल उपमहानगरपालिकाले बैशाख ७ गतेलाई बिजय उत्सव दिवसका रुपमा मनाउन सुरु गरेको थियो । गत वर्ष प्रधानमन्त्री केपी ओली स्वयं उपस्थित भई कर्णेल उजिर सिंहको सालीक अनावरण समेत गर्नुभएको थियो ।
यस वर्ष भने कोरोना भाइरसका कारण मुलुक लकडाउनको अवस्थामा रहेका कारण उप महानगरले कुनै औपचारीक कार्यक्रम नराखेपनि उजिर सिंहको सालीकमा माल्यार्पण गर्दै यस वर्षको बिजय उत्सव दिवस मनाएको छ । अत्यन्त सिमीत उपस्थितीमा बुटवल उपमहानगरका नगर प्रमुख शिवराज सुबेदी र नेपाली सेनाका प्रदेश प्रितनापति सिताराम खड्का लगायतले माल्यार्पण गर्दै दिवस मनाईएको थियो । कार्यक्रममा बोल्दै नगर प्रमुख सुबेदीले बैदेशीक हस्तक्षेप र स्वाभिमान बोकेको दिनलाई भुल्न नसकिने बताउनु भयो ।
गढीहरुको संरक्षण गर्ने गुरु योजना सहित अगाडी बढेको नेपाली सेनाले पनि जितगढीको संरक्षण तथा बिकासका लागि बिशेष कार्यक्रमहरु गर्दै आएको छ । अनौपचारीक कार्यक्रममा उपस्थित नेपाली सेनाका प्रितनापति खड्काले एबिसी न्युजसंग कुरा गर्दै गढीहरुको संरक्षण र सम्बर्धन गर्न प्रदेश सरकार, उपमहानगर र सरकारी तथा गैरसरकारी निकायसंग सहककार्य गर्दै नेपाली सेनाको सक्रिय भुमिका कायम रहने बताउनु भयो ।
तत्कालीन समयमा उत्तर तिब्बतसंगको ब्यापार र हिमाली जडीबुटी र बनस्पतीको हवकारुपमा स्थापीत बुटवलबाट कब्जा गरी पाल्पा हुंदै तिब्बत सम्म पुग्ने रणनितीका साथ आएको इस्ट ईण्डीया कम्पनि फौजलाई नेपाली सेनाले पराष्ट गर्दै सिमा कटाएको थियो । झण्डै २ सय वर्ष देखि ओझेलमा परेको किल्लाका बिषयमा एबिसी न्युजले पटक पटक ध्यानाकर्षण गरेपछि बुटवल उपमहानगरले बिगत २ वर्ष देखि बैशाख ७ लाई बिजय उत्सव दिवसका रुपमा मनाउने निर्णय गरेको छ । यस वर्ष माहामारीका कारण दिवस भब्य हुन नसकेपनि उपमहानगरले किल्लालाई सम्झेको छ । नेपाली शिर उंचो राख्न सक्ने गरि इतिहास रच्न सक्ने कर्णे उजिर सिंह स्वाभिमानी नेपालीका मन मस्तिस्कमा सधैं सम्मानका प्रतिक बनेर बसिरहेने छन् ।