सुनसरी, १४ मंसिर । सुनसरीको इटहरीमा नेपाली कांग्रेसको चुनावीसभा लक्षित बम विष्फोट हुँदा चार जना घाइते भएका छन् ।
इटहरी–९, भलादमीचोकमा कांग्रेसको चुनावी सभा भैरहेको ठाउँ नजिकै विष्फोट हुँदा स्थानीय एक वर्षका बालक योवन न्यौपाने, ४० वर्षका धनबहादुर श्रेष्ठ , १६ वर्षकी सम्रिना अधिकारी र गिता आचार्य घाइते भएका प्रहरीले जनाएको छ ।
घाइतेमध्ये बालक न्यौपानेको अवस्था गम्भीर छ । घाइते सबैजनालाई उपचारको लागि धरानमा रहेको वी.पी. कोइराला स्वास्थ्य विज्ञान प्रतिष्ठानमा लगिएको छ ।
प्रतिक्रिया दिनुहोस्