काठमाडौं ११ असार । अमेरिकामा कोरोना संक्रमणको दोश्रो लहर आउने त्रास बढेको छ। अमेरिकाले लगभग सबै राज्यमा लकडाउन खुकुलो गरेको बेला संक्रमण ह्वातै बढेर उत्कर्षतीर पुगेको हो। बुधबारमात्रै अमेरिकामा एकैदिन अमेरिकामा ३९ हजार भन्दा बढी कोरोना भाइरसबाट संक्रमित भए। पछिल्लो २४ घण्टामा ३९ हजार १ सय ३ नयाँ संक्रमित थपिएका छन। संक्रमण फेरि फैलिन थालेपछि कतिपय राज्य लकडाउन पुनः कडा गर्नेतर्फ सोच्न थालेका छन।

कतिपय शहरहरूले भने मानिसको आवतजावतमा कडाइ गर्न थालिसकेका छन। वर्ल्ड मिटरका अनुसार विश्वमा कोरोना संक्रमितको संख्या ९५ लाख २० हजार नाघेको जनाएको छ। उसका अनुसार कोरोनाबाट ज्यान गुमाउनेको संख्या ४ लाख ८४ हजारको नजिक पुगेको छ। संक्रमित संख्याको आधारमा अमेरिका पहिलो नम्बरमा रहेको छ भने दोश्रोमा ल्याटिन अमेरिकी मुलुक ब्राजिल रहेको छ। अमेरिकामा संक्रमित संख्या २४ लाख ६३ हजार बढी भइसकेको छ भने १ लाख २४ हजार बढीको ज्यान गइसकेको छ।