काठमाडौं, २४ असार । विश्वभर महामारीको रुपमा फैलिएको नोवेल कोरोना भाइरसबाट सवैभन्दा बढी प्रभावित अमेरिका बनेको छ । चीनको उहान शहरबाट फैलिन सुरु भएको कोरोना भाइरस इटाली स्पेन र अमेरिका सवैभन्दा बढी प्रभावित बनेका हुन । पछिल्लो समयमा स्पेन र इटालीले कोरोना नियन्त्रयमा लिएपनि अमेरिकमा भने दिनप्रतिदिन तिव्र गतिमा फैलिएको छ । पछिल्लो २४ घण्टामा ५५ हजारभन्दा बढीमा मानिसमा कोरोना संक्रमणको पुष्टि भएको छ ।

यो समाचार तयार पार्दा पछिल्लो २४ घण्टामा मात्रै ५५ हजार २६२ जना संक्रमित थपिएसँगै कुल संक्रमितको संख्या ३० लाख ९६ हजार ९०४ पुगेको छ ।

बुधबार बिहानसम्म १ लाख ३३ हजार ९७१ जनाको मृत्यु भएको छ । पछिल्लो २४ घण्टामा थप ९९२ जनाको कोरोना संक्रमणकै कारण मृत्यु भएको छ ।

कुल संक्रमितमध्ये १३ लाख ५४ हजार ८६३ जना संक्रमणमुक्त भएका छन् । उपचार गराइरहेका १६ लाख ८ हजार ७० जनामध्ये १५ हजार ३७१ जनाको अवस्था गम्भीर रहेको छ ।