काठमाडौं, १३ पुस । फिलिपिन्सको दगुपान पाङ्गासिनानस्थित मंगलदान नेशनल हाई स्कुलमा नेपाली चित्रकला प्रदर्शनी गरिएको छ ।

ललितपुरको सौगलमा स्थापित योङ पिकासो संस्थाद्वारा आयोजित प्रदर्शनीमा विद्यार्थी, चित्रकार, स्थानीयलगायत सरोकारवालाको सहभागीता रहेको आयोजकले जनाएको छ । प्रदर्शनीमा नेपालको पर्यटनलाई झल्काउने किसिमका चित्र, कला, संस्कृति, परम्परा, धर्म, जातीय वेषभूषालगायत झल्कने खालको चित्र राखिएको संस्थाका प्रबन्ध निर्देशक एवं चित्रकार अजय देशारले बताउनुभयो ।

प्रदर्शनीका लागि सो संस्थाबाट अजय देशार र चित्रकार किशोर नकर्मीको प्रतिनिधित्व रहेको थियो ।
मंगलबारदेखि शुरु भएको प्रदर्शनी तीन दिनसम्म सञ्चालन हुनेछ । एकल चित्रकला

प्रदर्शनीअन्तर्गत अजय देशार, किशोर नकर्मी, विपना महर्जन र सितु मास्केद्वारा सिर्जना गरिएका चित्र राखिएको थियो ।