म्याग्दी ३ जेठ । बेनी नगरपालिकाको मेयरमा एमालेका सुरत केसी ६ हजार ५ सय ६६ मत ल्याएर विजयी भएका छन् । उनका निकटतम प्रतिद्वन्द्वी गठबन्धनबाट कांग्रेसका चिरन्जिवी शर्माले ५ हजार १ सय ९८ मत पाएका थिए ।

त्यसैगरी उपमेयरमा माओवादी केन्द्रकी ज्योती लामिछाने पौडेलले ७ हजार ४३ मत प्राप्त गर्दै निर्वाचित भएकी छन् । उनकी निकटतम प्रतिद्वन्द्वी एमालेकी पशुपति शाहीले ५ हजार ५ सय मत पाएकी थिइन् ।

बेनी नगरपालिकाका १० वडामध्ये १, ५, ६, ८ र १० मा एमालेका उमेदेवार विजयी भएका छन् । त्यहां टेकबहादुर थापा, गोविन्द बानियाँ, उत्तम कर्माचार्य र मस्तवीर रोका अध्यक्षमा निर्वाचित भएका छन् । २ र ९ नम्बर वडाध्यक्षमा गठबन्धनबाट कांग्रेस उम्मेदवारहरू यामबहादुर कार्की, चक्र कार्की तथा ३ र ४ नम्बर वडा अध्यक्षमा गठबन्धन माओवादी केन्द्रका पदम पुन र अणबहादुर खड्का निर्वाचित भएका छन् ।