काठमाडौं, जेठ १७ । साहित्यकार तथा गीतकार सुरेन्द्र महर्जन ‘अमर’को ३० औं कृति उपन्यास ‘डियर भ्याक्सिन’ लोकार्पण गरिएको छ । स्रष्टा महर्जनको जन्मदिनको अवसर पारेर मंगलबार सो कृतिको लोकार्पण गरिएको हो ।

कार्यक्रममा प्रमुख अतिथी प्रध्यापक तथा साहित्यकार गार्गी शर्माले नेपाली साहित्यमा सुरेन्द्र महर्जनले ३० वटा कृति निकालेर महत्त्वपूर्ण योगदान पुर्‍याएको बताउनुभयो ।

पुस्तक डियर भ्याक्सिनको बिमोचन कार्यक्रममा सङ्गीतकार सन्तोष श्रेष्ठले शुभकामना मन्तब्य दिनुभएको थियो । यस्तै डाक्टर इन्जिनियर दिनेश थानिले महर्जन एक आँसु साहित्यकार रहेको बताउनुभयो भने साहित्यकार शंकर भारतीले महर्जनको यो कृति महत्वपुर्ण रहेको बताउनुभयो ।

कार्यक्रम आयोजक संस्था ओएस नेपालका अध्यक्ष बिवेक कार्कीको सभापतित्वमा भएको कार्यक्रममा सञ्चारकर्मी तथा साहित्य अनुरागी व्यक्तित्वहरूको उपस्थिति रहेको थियो । कृति अडियोमा पनि उपलब्ध छ ।