बुटवल, ३ माघ  । निर्वाचन सकिएलगत्तै निर्माण समाग्रीका उत्पादकहरुले बजार मुल्य अत्याधिक बढाएपछि राष्ट्रिय गौरवका योजना सहितको मुलुकमा जारी आयोजनाहरुमा गम्भिर असर पर्ने देखिएको छ । उत्पादकहरुले सिमेण्ट, छड र अन्य निर्माण समाग्रीमा मुल्य बृद्धि गरेपछि रुपन्देहीका बिक्रेताहरुले आन्दोलन समेत सुरु गरेकाछन् ।

सामान्यतया निर्वाचन सकिएपछि हरेक पटक बजारभाउ बढ्ने गर्दछ । न्युनरुपमा बजार भाउ बढेकाबेला सर्वसाधारणले बढेको मुल्यको अनुभुति गर्न सक्दैनन् । तर यस वर्षको स्थानीयतह, प्रदेश र प्रतिनिधिसभाको निर्वाचन सकिएलगत्तै अप्रत्यासित निर्माणसमाग्रीको मुल्य आकासिएपछि मुलुकका राष्ट्रिय गौरवका योजनाहरु सहित अर्बौका परियोजनाहरुमा गम्भीर असर पर्ने देखिएको छ । निर्वाचन पुर्वको बजार मुल्य भन्दा ५० देखि ६० प्रतिशत सिमेण्टमा, २० देखि २५ प्रतिशत छडमा र त्यहि अनुपातमा तार जाली लगायतका समाग्रीहरुमा मुल्य बृद्धी भएपछि सस्तोदरमा ठेक्का कबोल भएका आयोजनाहरुको काम नै ठप्प भएकाछन् ।
त्यसो त २ वर्ष अगाडी नै नेपाल सिमेण्टमा आत्मनिर्भर भएको बताईएको थियो । कतिपय सिमेण्ट उद्योगहरुले नेपाली क्लीङ्करबाट उत्पादीत सिमेण्ट पनि भन्ने गरेका थिए । तर यतिबेला भारतमा क्लीङकरको भाउ बढ्यो भन्दै मुल्य बृद्धी गरेकाछन् ।
बुटवलको बजारमा चुनाव अगाडी र पछाडीको सिमेण्टको मुल्य :

त्यसैगरि छडमा चुनाव अगाडी प्रति केजी ६९ देखि ७२ रुपैयां सम्म रहेकोमा चुनाव पछि ८३ देखि ८६ रुपैयां प्रतिकेजी सम्म मुल्य बृद्धि गरिएको छ । निर्माण समाग्री अन्तर्गत जाली , तार किला जस्ता वस्तुहरुमा समेत २५ देखि ३० प्रतिशत सम्म मुल्य बढाईएको ब्यवसायीहरुले बताएकाछन् ।
उद्योगहरुले एक्कासी मुल्य बढाएपछि रुपन्देही हार्डवेयर बिक्रेताहरुले उद्योगहरुबाट माल नउठाएर आन्दोलन सुरु गरेकाछन् । उनीहरुले बिना कारण मुल्य बृद्धि गरिएको भन्दै सरकारले मुल्य बृद्धिको कारण खोज्न समेत माग गरेकाछन् । हार्डवेयर संघका अध्यक्ष सुनिल मरासिनीले सरकारी मिलेमतोमा नै मुल्य बृद्धि गरिएको आशंका गर्छन् ।

सिमेण्ट उद्योगहरुले केहि वर्षदेखि नेपाली क्लीङ्कर प्रयोग गरिरहेको र त्यस्ता उद्योगहरुमा प्रसस्त क्लीङ्कर सहित कच्चा पदार्थ मौज्दाज रहंदाकै अवस्थामा पनि मुल्य बृद्धि हुनुलाई सफा नियत मान्न नसकिने अवस्था रहेको देखिएको छ । बिना मापदण्ड उद्योगले मनोमानी मुल्य बृद्धि गर्दा मुलुकको नव निर्माणमै गम्भीर खतरा उत्पन्न हुने ठहर छ अध्यक्ष मरासिनीको ।

उद्योगहरुले गरेको मुल्य बृद्धि र ब्यवसायीले गरेको आन्दोलनका कारण बुटवलमा निर्मणधिन अन्तरराष्टिय सम्मेलन केन्द्रको काम नै ठप्प भएको छ भने बुटवल बलहिया सडक सहित करोडौका निर्माणका कामहरुमा नकारात्मक असर देखिन थालेको छ । एककासि बिना कारण गरिएको मुल्य बृद्धिले सबै निर्माणका काममा नकारात्मक असर पर्ने र त्यसले देशलाई नै क्षेति पु¥याउने अवस्था सिर्जना हुंदा पनि प्रसासनले कुनै कदम नचालेको गुनासो छ रुपन्देही निर्माण ब्यवसायी संघका अध्यक्ष जमिन कक्षपतिको ।

निर्वाचन सकिनु, नयां सरकार बन्न नसक्नु र जनप्रतिनिधिहरु राजनितिक अलमलमा रहेकाबेला मौकाको फाईदा उठाउंदै उद्योगिहरुले अन्धाधुन्द मुल्य बृद्धि गरेको देखिएको छ । राजनितीक अन्यौलतामा रहेका बेला मुल्यबृद्धि गर्नेहरुलाई नछाडीने चेतावनी छ रुपन्देही क्षेत्र नम्बर ३ का प्रतिनिधि सभा सदस्य तथा एमाले उपमहासचिव घनश्याम भुसालको ।

अघिल्लोवर्षमात्र सिमेण्टमा आत्मनिर्भर भयौं भनेर घोषणा गर्ने उद्योगीहरुभने भारतमा क्लीङ्करको बढ्यो भन्दै मुल्य बढाउनुपरेको गफ दिईरहेकाछन् । उनीहरुले बिज्ञप्ती निकालेर मुल्यबृद्धिको जतिसुकै गफ दिएपनि उनीहरुको उद्योगमा पहिलेदेखिनै मौज्दाज रहेको नेपाली क्लीङ्करहरुले उनीहरुको तर्कलाई गलत साबित गरिदिएको छ ।
सामान्य सिद्धान्तमा मुलुकमा राजनितीक सरकार नबन्दाको अवस्थामा सरकारको बागडोर कर्मचारी प्रसाशनले हेर्ने गर्दछ । तर उद्यागीहरुले अन्दाधुन्द मुल्यबृद्धि गरिरहंदा र कतिपय राष्टि गौरवका योजनाहरुको काम ठप्पहुंदा पनि प्रसाशनले सांधेको मौनताले धेरै आशंकाहरु पनि जन्माएको छ ।