काठमाडौं,३ माघ । नेकपा एमालेले राष्ट्रिय सभा निर्वाचनलाई तोकेको समयमा गर्न सबै प्रक्रिया तत्कालै पुरा गर्न सरकार र निर्वाचन आयोगको ध्यानकर्षण गराएको छ । पार्टी कार्यलय धुम्बाराहीमा कार्यवहाक अध्यक्ष बामदेव गौतमको अध्यक्षतामा बसेको स्थायी कमिटि बैठकले निर्वाचन गराउन भईरहेको ढिलाईप्रति गम्भिर ध्यानकर्षण भएको जनाएको छ ।

‘प्रदेश प्रमुख र अस्थायी तोक्न भईरहेको ढिलाईले राष्ट्रिय सभाको निर्वाचनलाई प्रभावित पार्न, अन्यौल बढाउन खोजिदैछ, तोकेको मितिमा गर्न त्यसलाई पुरा गर्नुपर्ने प्रक्रिया सबै पुरा गर्न निर्वाचन आयोग र सरकारलाई ध्यानकर्षण गराउने निर्णय भएको छ ।’

बैठकपछि एमाले सचिव योगेश भट्राईले जानकारी दिए । यसैगरी बैठकले प्रदेश सभा र प्रतिनिधी सभाको निर्वाचनमा भुगोल र समुदाय छुटेकाले राष्ट्रिय सभा निर्वाचनका लागी उम्मेदवार चयन गरी पठाउदा विशेष ध्यानदिन मातहतका कमिटिलाई निर्देशन समेत दिएको छ ।

यसैगरी एमालेले काम चलाउ बनिसकेको सरकारले आर्थिक सहयोगको नाममा लगातार पैसा बाडिरहेको र विभिन्न तहमा दरवन्दी श्रृजना गर्ने सरुवा बढुवा जस्ता काम गरेकोले आपत्ति समेत जनाएको छ । संचारकर्मीकोले सोधेको प्रश्न सरकारले प्रदेश प्रमुख र अस्थायी राजधानी तोक्न आफुहरु सगं कुनै छलफल नगरेको बताए ।