काठमाडौं, ७ माघ । गत पुस २१ गत गोलि प्रहार गरी हत्या गरिएका रुपन्देहीका बसन्त पौडेल बालुको हत्यामा संलग्न मध्य २ जनालाई प्रहरीले पक्राउ गरेको छ ।

प्रहरीले आइतबार बुटवलमा पत्रकार सम्मेलन गर्दै हत्यामा संलग्नमध्ये पदम चौधरी र महेन्द्र भन्ने महिनारायण चौधरीलाई सार्वजानीक गरेको हो । प्रहरीका अनुसार महिनारायणले बालुमाथी गोलि प्रहार गरेका थिए भने पदमले हत्याको सबै योजना बनाएका थिए ।

गोलीप्रहार गर्ने २ जनामध्ये बिबेक फरार हरेको प्रहरीले जनाएको छ । पक्राउ परेकाहरुसंग प्रहरीले ९९ हजार नगद सहित हत्यामा प्रयोग भएको लु ४ प १४ नम्बरको मोटरसाईकल, ईटालिइन ९ एमएम पेष्टोल १ थान, कटुवा पेष्तोल २ थान, पेष्तोलमा लाग्ने ९ राउण्ड गोलि कटुवा पेष्तोलमा लाग्ने ५ राउण्ड गोलि समेत बुलेट र हत्याका मुख्य सुटर बिबेकको ज्याकेट एक थान बरामद गरेको छ ।

पत्रकार सम्मेलनमा बोल्दै रुपन्देही प्रहरी प्रमुख प्रहरी उपरिक्षक श्याम ज्ञवालीले हत्यामा संलग्न सहित दुर्गा तिवारी र बलु पौडेलको हत्यामा प्रयोग भएको हतियार पनि पक्राउ गरिएको जानकारी दिनुभयो ।

घटना लगत्तै प्रहरीले सिबिआईका बरिष्ठ प्रहरी उपरिक्षक घनश्याम अर्यालको कमाण्डमा अनुसन्धान टोलि बनाएर रुपन्देही पठाएको थियो । सिबिआईले पदम चौधरीलाई चितवनको लोथरबाट र महिनारायणलाई पोखराबाट पक्राउ गरेको पत्रकार सम्मेलनमा जानकारी दिईएको थियो ।