खोटाङ, ११ माघ। खोटाङको चिम्चिमा खोलाको बगरमा गाडिएको अवस्थामा बालिकाको शव फेला पारिएको छ ।
रुपाकोट मझुवागढी नगरपालिका–१०, पाथेकाकी ८ वर्षीय लुमणी राईको शव बगरमा गाडिएको अवस्थामा फेला परेको हो ।
यहि बुधबार दिउसो करिब १२ बजेबाट हराएकी बालिकाको खोजी गर्ने क्रममा हत्या गरेर घर नजिकैको खोलाको बगरमा गाडिएको अवस्थामा त्यसै राती शव फेला पारिएको प्रहरीले जानकारी दिएको छ ।
हत्या आशंकामा प्रहरीले स्थानका गौमणी राईको १६ वर्षका छोरा जीउधन राईलाई प्रहरीले सोधपुक्षकालागी नियन्त्रणमा छ। पक्राउ परेका राईले बालिका हत्या गरेको स्वीकार गरे पनि हत्याको कारण खुल्न बाँकी रहेको प्रहरीले जनाएको छ ।
प्रतिक्रिया दिनुहोस्