काठमाडौँ, २० माघ । नेकपा (माओवादी केन्द्र)को स्थायी समिति बैठक आज बस्दै छ । पार्टी केन्द्रीय कार्यालय पेरिसडाँडामा स्थायी समिति बैठक दिउँसो ३ बजे बस्ने माओवादीले जनाएको छ ।
समसामयिक राजनीति, राष्ट्रपति निर्वाचन, गृहमन्त्री चयनदेखि पार्टीका स्थायी र पोलिटब्युरो सदस्यको केन्द्रीय विभागको कार्यविभाजन बैठकका मुख्य एजेन्डा छन् ।
यसअघि हिजो बसेको बैठकमा प्रधानमन्त्रीसमेत रहेका पार्टी अध्यक्ष पुष्पकमल दाहाल ‘प्रचण्ड’ले गठबन्धनमा समस्या आएको ब्रिफिङ गरेपछि सकिएको थियो ।
बिहान ११ बजेका लागि बोलाइएको बैठक अपरान्ह ४ बजे बसेको थियो । उक्त बैठक औपचारिक विषयमा प्रवेश नगरी बैठक सकिएको थियो ।
उनले गठबन्धनमा समस्या आएकाले छलफलमा जुट्नुपर्ने भएकाले आफूलाई समय चाहिएको बताएका थिए । उनले बैठकमा राष्ट्रिय स्वतन्त्र पार्टीको मात्रै नभएर गठबन्धनमा नै समस्या आएको बताएक थिए ।
प्रतिक्रिया दिनुहोस्