गौशाला, १४ माघ । निर्माण व्यवसायी संघ महोत्तरीमा राजेश्वर राय प्यानलसहित विजयी हुनुभएको छ ।
महोत्तरी जिल्लाको सदरमुकाम जलेश्वरमा गए राति अबेर सम्पन्न संघको निर्वाचनमा आफ्ना प्रतिद्वन्द्वी मुनेश्वर चौधरीलाई २९ मतले पराजित गर्नुहुँदै राय विजयी हुनुभएको हो ।
सम्पन्न निर्वाचनमा अध्यक्ष पदमा राजेश्वर रायले ७७ मत ल्याउँदै विजयी हुनुभएको छ भने उहाँको प्रतिद्वन्द्वी मुनेश्वर चौधरीले ४८ मत ल्याउनुभएको निर्वाचन अधिकृत सुनिल पंकज कर्णले बताउनुभयो ।
त्यस्तै उपाध्यक्षमा अमितकुमार साह , द्वितीय उपाध्यक्षमा सोवीन्द्र चौधरी, सचिवमा विमलेशकुमार सिंह , उपसचिवमा विकासकुमार भगत र कोषाध्यक्ष पदमा अरुणकुमार झा विजयी हुनुभएको छ ।
त्यसैगरी सदस्यहरूमा लवकुमार झा, तेजनारायण सिंह , राजेन्द्र यादव, चुनाबहादुर कोइराला र बबिताकुमारी साह विजयी हुनुभएको छ ।
प्रतिक्रिया दिनुहोस्