काठमाडौं, १४ माघ । जुम्लामा लक्ष्यभन्दा २ प्रतिशत बढी कर उठाइयो । यो वर्ष जुम्लाबाट ८ करोड ४२ लाख ७ हजार रुपैयाँ कर उठ्ने लक्ष्य राखिएको छ ।

करदाता सेवा कार्यालय जुम्लाले ६ महिनामा ३ करोड ९१ लाख राजश्व संकलन गरेको छ । कार्यालयले आर्थिक वर्ष ०७३÷०७४ को ६ महिनाको अवधिमा ३ करोड ९१ लाख १९ हजार ९ सय २९ रुपैयाँ ५९ पैसा राजश्व संकलन गरेको कार्यालयले जनाएको छ ।

कार्यालयले आयकरबाट २ करोड ५३ लाख ७४ हजार ३ सय ८८ रुपैयाँ, बहाल करबाट १७ लाख ३१ हजार ९ सय ८० रुपैयाँ, ब्याजकरबाट १ लाख २४ हजार ३८ रुपैयाँ, मूल्य अभिवृद्धिकरबाट ९५ लाख ११ हजार ४ सय ५ रुपैयाँ, अन्तशुल्कबाट २३ लाख ६ हजार २ सय ३७ रुपैयाँ र शिक्षा सेवा शुल्क ७१ हजार ८ सय ७७ रुपैयाँ कर उठेको जनाएको छ ।

जुम्लामा लक्ष्यभन्दा २ प्रतिशत बढी कर उठाइएको छ । यो वर्ष जुम्लाबाट ८ करोड ४२ लाख ७ हजार रुपैयाँ कर उठ्ने लक्ष्य रहेको कर अधिकृत खडानन्द खत्रीले बताए ।