चितवन ,१५ माघ । वाणिज्यमन्त्री मिनवहादुर विश्वकर्माले निर्वाहमुखी व्यवसायका कारण आयात वढेको वताएका छन् । मुलुक समृद्ध वनाउन व्यवसायिकरण गरेर कृषि,व्यापार संचालन गर्नु पर्ने उनको भनाई थियो ।

चितवनको उद्योग वाणिज्य संघ खैरहनीको सोमवार सम्पन्न आठौ वार्षिक साधारण सभा तथा चौथो अधिवेशनको उद्घाटन समारोहलाई सम्वोधन गर्दै वाणिज्य मन्त्री विश्वकर्माले निर्वाहमुखी व्यवसाय , निर्वाहमुखी कृषि र निर्वाहमुखी अर्थनितीको कारण आयात वढ्नुका साथै व्यापार घाटा वढेको वताए ।

मन्त्री विश्वकर्माले वर्तमान सरकार चुनावी सरकार भएकाले पनि अहिले व्यापार घटेको स्वीकार गरे। मुलुक समृद्ध हुन सरकार र व्यवसायीबीच नङ र मासुको सम्वन्ध हुनु पर्नेमा चोर पुलिसको जस्तो सम्बन्ध भएकोमा चिन्ता व्यक्त गरेका थिए ।

त्यस्तै उनले सरकारले बद्धभत्ता पाउने उमेर हदबन्दी घटाएर राम्रो गरेको स्पष्ट पारे । ६५ बर्षपछि मान्छे अशक्त र बिरामी हुने गरेकोले ६५ बर्षमा बृद्धभत्ता दिनु जायज भएको दाबी गरे ।

अहिले जनमत पाएका दलहरुले सरकारमा जान हतार गरेको उनले आरोप लगाएका छन् । आफुहरु सरकार छोड्न तयार रहेको तर प्रक्रिया पुर्याएर मात्रै सरकार छाड्ने उनले बताए ।

एबीसी रिर्पोटर विकास पौडेल