काठमाडौ, १६ माघ । नेपाल एयरलाइन्सले दुवईमा नयाँ कार्यालय स्थापना गरेरी आफ्नो सेवा सुरुचारु गरेको छ । सन् २०१६ अगस्ट १८ देखि पुनः सेवा सुचारू गरेको नेपाल एयरलाइन्सले यस पटकबाट कार्यालय नै खोलेर सेवा सुरु गरेको छ।

४ वर्षपछि नेपालबाट युएई सिधा उडान भर्न सुरु गरेको झण्डै १५ महिनामा दुवईमा कार्यालय खोलेर एयरलाइन्सले बजार बिस्तार गरेको हो । नेपाल एयरलाइन्सको युएईको जीएसए अजमान नेसनल ट्राभल एजेन्सी (एन्टा)सँग भएको सम्झौता अनुसार १ वर्ष भित्रमा दुवईमा शाखा स्थापना गर्नुपर्ने भएकोले त्यसैका आधारमा एन्टाले कार्यालय स्थापना गरिदिएको हो ।

डेरा दुबईको सलाउद्दिन मेट्रो स्टेसन नजिक रहेको नयाँ कार्यालयको युएईका लागि नवनियुक्त उपनियोग प्रमुख तथा कार्यवाहक राजदूत सागरप्रसाद फुयाँलले एक कार्यक्रमका बीच कार्यलयको उद्घाटन गर्नुभयो । कार्यक्रममा नेपाल वायुसेवा निगम, वाणिज्य विभागका निर्देशक जनकराज कलाखेतीको आतिथ्यता थियो ।

एयरलाइन्सले आइतबार, सोमबार, बुधबार र शुक्रबार गरी सातामा ४ वटा उडान भर्दै आएको छ । चार महिना पहिलेबाट अनलाइन टिकट बुकिङको व्यवस्था समेत गरेको एयरलाइन्सका युएई कन्ट्री म्यानेजर रमेश पौडेलले जानकारी दिनुभयो ।