काठमाडौँ, ११ वैशाख । तनहुँ–१ को मतपरिणा आउने क्रम जारी छ । यहाँ राष्ट्रिय स्वतन्त्र पार्टीका उम्मेदवार डा.स्वर्णिम वाग्लेले आफ्नो अग्रता कायम राखेका छन् ।
सुरूदेखि नै अग्रता कायम राखेका डा.वग्लेले पछिल्लो मतपरिणामअनुसार ७ हजार २९३ मत प्राप्त गरेका छन् । मुख्य निर्वाचन अधिकृतको कार्यालयअनुसार अहिलेसम्म ८ वटा वडाको मतगणना सकिएको छ । अहिलेसम्म १३ हजार ६५ मतगणना भएको छ ।
जसमा डा.वाग्लेले ७ हजार २९३ मत प्राप्त गरेका छन् भने नेपाली कांग्रेसका गोविन्द भट्टराईले ३ हजार २३४ मत प्राप्त गरेका छन् । त्यस्तै, नेकपा (एमाले)का उम्मेदवार सर्वेन्द्र खनाल तेस्रो स्थानमा छन् । उनले २ हजार १३४ मत प्राप्त गरेका छन् ।
तनहुँ–१ मा आइतबार भएको उपनिर्वाचनमा ६३ हजार ७५७ मत खसेको निर्वाचन कार्यालयले जनाएको छ ।
प्रतिक्रिया दिनुहोस्