तनहुँ, ११ वैशाख । आइतबार सम्पन्न तनहुँ क्षेत्र नम्बर १ को प्रतिनिधिसभा सदस्य उपनिर्वाचनको मतगणनामा राष्ट्रिय स्वतन्त्र पार्टी (रास्वपा) डा.स्वर्णिम वाग्लेले अग्रता कायमै राखेका छन् ।

गए राति ११ः४५ बजेदेखि मतगणना सुरु भएकामा आज बिहान ८ बजेसम्मको नतिजाअनुसार डा वाग्लेले अग्रता कायमै राखेका हुन् । हालसम्म आठ वडाको मतपरिणाम सम्पन्न हुँदा डा.वाग्लेले सात हजार २९३ प्राप्त गरेका छन् । नेपाली कांग्रेसका गोविन्द भट्टराईले तीन हजार २३४ मत प्राप्त गरेका छन् । नेकपा (एमाले)का सर्वेन्द्र खनालले दुई हजार १३४ मत प्राप्त गरेका छन् ।

आँबुखैरेनी–१, आँबुखैरेनी–२, आँबुखैरेनी–३, भानु–१०, भानु–८, भानु–३, भानु–७ र भानु–४ को १३ हजार ६५ मतगणना सम्पन्न भएको मुख्य निर्वाचन अधिकृत कोमलप्रसाद आचार्यले जानकारी दिए । आँबुखैरेनी–१ मा एक हजार ४५८ मत खसेकामा रास्वपाका वाग्लेले एक हजार ६५, कांग्रेसका भट्टराईले २६५ र एमालेका खनालले ५४ मत प्राप्त गरेका छन् ।

आँबुखैरेनी–२ मा एक हजार तीन सय ९२ मत खसेकामा रास्वपाका वाग्लेले ८८१, कांग्रेसका भट्टराईले ३३६ र एमालेका खनालले १०८ मत प्राप्त गरेका छन् । भानु–३ मा एक हजार ५७४ मत खसेकामा रास्वपाका वाग्लेले ७१६, कांग्रेसका भट्टराईले ४१८ र एमालेका खनालले ३५१ मत प्राप्त गरेका छन् ।

भानु–७ मा एक हजार २८१ मत खसेकामा रास्वपाका डा वाग्लेले ६५५, कांग्रेसका भट्टराईले ३१२ र एमालेका खनालले २७० मत प्राप्त गरेका छन् । भानु–८ मा एक हजार ७९४ मत खसेकामा रास्वपाका वाग्लेले ८५६, कांग्रेसका भट्टराईले ४५८ र एमालेका खनालले ४३७ मत प्राप्त गरेका छन् ।

भानु–१० मा एक हजार ७५८ मत खसेकामा रास्वपाका वाग्लेले ८४६, कांग्रेसका भट्टराईले ५५१ र एमालेका खनालले तीन सय २९ मत प्राप्त गरेका छन् । भानु–४ मा एक हजार ६७५ मत खसेकामा रास्वपाका डा.वाग्लेले ७५९, कांग्रेसका भट्टराईले ४८२ र एमालेका खनालले ३९४ मत प्राप्त गरेका छन् ।

आँबुखैरेनी–३ मा दुई हजार १७३ मत खसेकामा रास्वपाका वाग्लेले एक हजार ५१५, कांग्रेसका भट्टराईले ४०१ र एमालेका खनालले ११९ मत प्राप्त गरेका छन् ।

तनहुँ क्षेत्र नम्बर १ अन्तर्गत ४२ वडामा ६३ हजार ७५७ मत खसेको थियो । जिल्ला समन्वय समितिको सभाहलमा दुई ठाउँमा मतगणना जारी छ ।