काठमाडौं, २० माघ । दोस्रो बैंकिङ एक्स्पो २०१८ शनिबार समापन भएको छ ।

काठमाडौको भृकुटिमण्डपमा आयाजना गरिएको एक्स्पोको १० हजार बढिले अबलोकन गरेको आयोजकले जनाएको छ । एक्स्पोको अन्तिम दिन शनिबार लगानी र उद्यमशीलताका साथै सेयर बजारसम्बन्धी अन्तक्र्रिया गरिएको थियो ।

एक्स्पोमा बैंक तथा वित्तीय संस्थाका साथमा बीमा, रेमिट्यान्स, सेयर बजार लगायतसँग सम्बन्धित संस्थाहरुको ५० को हाराहारीमा सूचनामूलक स्टलहरु रहेका थिए । मिडिया इन्टरनेशनलले आयोजना गरेको कार्यक्रमलाई नेपाल राष्ट्र बैंकले प्रवद्र्धन गरेको हो ।

त्यस्तै एक्स्पोको नेपाल बैंकर्स संघ, डेभलपमेन्ट बैंकर्स संघ, वित्तीय संस्था संघ, माइक्रोफाइनान्स बैंकर्स संघ, बीमा समिति र नेपाल क्लियरिङ हाउसले सहकार्य गरेका थिए । एक्स्पो आगामी दिनमा काठमाडौ बाहिर पनि निरन्तर रुपमा गरिने आयोजकले जनाएको छ । एक्स्पो शुक्रबार सुरु भएको थियो ।