काठमाडौं ८ भदौ । नेपाल कांग्रेसका बरिष्ठ नेता अर्जुननरसिंह केसीले ओली र देउवा मिलर भ्रष्टाचार कानुनमा ५ वर्षे हदम्याद पास गर्न खोजे धेरै कांग्रेस सांसदहरुले ह्विप उल्लंघन गर्ने चेतावनी दिएका छन् । एबीसी टेलिभिजनको कार्यक्रम आउटलुकका लागि प्रधानसम्पादक शुभशंकर कँडेलसँग कुरा गर्दै नेता केसीले यस्तो बेला कसका लागि र के प्रयोजनका लागि भ्रष्टाचार मामिलामा ५ वर्षे हद म्याद ल्याउन खोजिएको भन्ने रहस्यको विषय भएको उनले बताए ।
नेता केसीले दुई दलका प्रमुख नेताले संविधान संशोधनको कुरामा हस्ताक्षर गरेपनि नेपाली कांग्रेसभित्र यसबारेमा कुनै छलफल नभएको स्पष्ट गरे । केसीले भने सांच्चिकै राजनीतिक स्थिरताका लागि संविधान संशोधन गर्ने हो भने प्रत्यक्ष निर्वाचित प्रधानमन्त्रीमा जानु पर्ने बताए ।
डेडिकेटेड ट्रंक लाइनको रकम उठाउनु पर्छ भन्ने कुलमान घिसिंगका विरुद्ध सरकार किन लागेको हो भन्दै नेता केसीले आश्चार्य प्रकट गरेका छन् ।
नेता केसीसँगको विस्तृत अन्तार्वार्ता शानिबार राती ९ बजे प्रसारण भएको थियो ।
अन्तर्वार्ता हेर्न र सुन्नका लागि यहां लिंक रहेको छ ।