काठमाडौं २५ भदौ । सोमबार, एप्पलले आफ्नो नयाँ आइफोन १६ मोडेलहरू सार्वजनिक गरेको छ । नयाँ आइफोन १६ मोडेलहरूमा कृत्रिम बुद्धिमत्तासम्बन्धी सुविधाहरूले भरिएको हुने बताइएको छ । सिरि, एप्पलको पहिलेको कम बुद्धिमान डिजिटल सहायक थियो । अब यसलाई अपग्रेड गरिने भएको छ । तर पूर्ण सफ्टवेयर अपडेट यस वर्षको अन्त्यसम्म उपलब्ध नहुन सक्ने इकोनोष्टिले लेखेको छ । एप्पलको डिजाइनप्रतिको प्रेमलाई ध्यानमा दिएर बनाइएको नयां मोडेलमा स्क्रिन ओपन गर्दा पूरै स्क्रिन रंगीन रूपमा झिलिमिली देखिने छ ।

एप्पलले आशा गरेको छ कि नयाँ एआई सुविधाहरूले प्रयोगकर्ताहरूलाई अपग्रेड गर्न प्रेरित गर्नेछ। आइफोनहरूले कम्पनीको आधा राजस्वको हिस्सा ओगट्छन्, यद्यपि पछिल्ला वर्षहरूमा यसको बिक्री वृद्धि घटिरहेको छ । प्रतिस्पर्धा तीव्र हुँदै गइरहेको छ भने बजारहरू पूर्णरूपमा भरिएका छन्। तर लगानीकर्ताहरूको एप्पललाई ‘एआई स्टक’ का रूपमा हेर्ने धारणाले यसलाई अझै पनि वढावा दिएको छ। अहिले आइफोनका नयाँ सुविधाहरू घोषणा गरेपछि, कम्पनीको सेयर मूल्य १४ प्रतिशतले वृद्धि भएको छ, जबकि एस एन्ड पी ५००, जसले अमेरिकाका ठूला कम्पनीहरूलाई समेट्छ, त्यसको तुलनामा ३ प्रतिशत ले मात्र वृद्धि भएको छ।

हालको एक सर्वेक्षणले नयाँ सुविधाहरूले प्रायः आइफोन प्रयोगकर्ताहरूलाई अपग्रेड गर्न प्रेरित गर्दैन भन्ने देखाएको छ। तर एप्पलले आशा गरेको छ कि यसको नयाँ आइफोनहरूले सकारात्मक समीक्षा पाउनेछ।