काठमाडौं १८ पुस । अमेरिकाको लस भेगासस्थित ट्रम्प होटलबाहिर टेस्ला साइबरट्रकमा विस्फोट भएको छ।
बीबीसीका अनुसार घटनामा चालकको मृत्यु भएको छ भने ७ जना घाइते भएका छन्।
बुधबार ट्रक होटलअगाडिको सिसाको ढोकामा रोकिएको प्रहरीले जनाएको छ। त्यही क्रममा धुवाँ निस्कन थाल्यो र विस्फोट भएको थियो।
त्यसको केही घन्टाअघि मात्र न्यु अर्लिन्समा एउटा ट्रकले मानिसहरूको भीडलाई कुल्चिँदै गुड्दा १५ जनाको मृत्यु भएको थियो।
इलोन मस्कले टेस्ला साइबरट्रकमा भएको विस्फोट र न्यु अर्लिन्समा भएको घटना कुनै न कुनै रूपमा सम्बन्धित हुनसक्ने बताएका छन्।
तर अमेरिकाका राष्ट्रपति जो बाइडेनले पत्रकार सम्मेलनमा यी दुई घटनाबीच कुनै सम्बन्ध नभएको दाबी गरेका छन्।
प्रतिक्रिया दिनुहोस्